Hogusra 13 - Winnebego Bible Portions 1907

¹ Egi Abram Egipteja hihinabshana, ereanaga egi hijawira egi washara jarnaga harnigi harnaj egi Lot hakishu, wiorojonjera howarairena.

² Egi Abram mashja hitajena jera egi shura‐sgara egi shura‐sira.

³ Egi wiorojonjeja howahi gixanana Bethel‐eja hina, jeg‐hojikereja hajinja jhinihera eja, Bethel egi Ai hojakenainja.

⁴ Nab‐horuxaj hou jegeja unihera eja, egi eja Abram Jehowa rash harnira girajshana.

⁵ Egi Lotga Abram hakishu uangra hishge jhasga harnina egi jera egi jhira.

⁶ Egi manaka inke warniu ruxurugnina, hakikijhi phiranina washara rokana harninegi inke hakikijhi ruxurughiranina.

⁷ Egi eja kikitag hirena Abram je hirakara warnira egi Lot je hirakara warnira. Egi Kana‐anitra egi Pheresitra ma‐eja jhi harni‐hairena.

⁸ Egi Abram Lot wagena: Ningitarna, inke kikitak hiranigi ne‐wineanaga egi nenine egi je hirakara warnira egi je hirakara washinira, hikikhinub hajege.

⁹ Jasge inke mara harnaj joweraregi‐nagnishe? Ningitarna hikirujekjena, hoirajgeregi horawasheregi egi hoishororegi wawatekjena nigeshge hoishorora horawasheregi egi hoirajgera wawatekjena.

¹⁰ Egi Lotga horuxujre‐hina egi Jordan mara harnaj horuxujshana egi hajarna hajinja herera ni jura Jehowa kheni Sodom egi Gomorah maisinsh wahini, Jehowa max harnira hikisgena, Egipt mara hikisgena, Soar eja hipa.

¹¹ Egi Lotga Jordan mara harnaj khijana. Egi Lotga wiaxebhueja hoixanana, egi khirujeshana khinena.

¹² Abram Kana‐an mainja jhinakshana, egi Lotga ma‐eja jhinag‐eja jhina. Egi Sodom sanig e hapahi jhi kikuna.

¹³ Eshi Sodom wankshigra wowonk‐hirena egi Jehowa jowehieja washa woishana ura rokana‐hirena.

¹⁴ Egi Jehowa Abram wagena: Lotga khiruje‐anaga hageja, Woruxujre egi hosh’urajega eja wioweshguni eja horuxujre egi wiorojonjeja egi wiaxebhueja, egi wioireja.

¹⁵ Mara jasgexji hashjaga hornik’unkjanena egi su hashinira manegus.

¹⁶ Egi su hashinira manegi majushishig‐nagre wawikina wahakjanena, wankshigra hisha ma‐hihagregi majushishig‐nagre gikarab ruxurugkhi, hishge su washinira waikarabnana.

¹⁷ Nashianage egi mara hiroha howarare egi haruje howarare, she‐e hornik’unkjanena.

¹⁸ Egi Abram jhira gixana karagina egi Mamre nanojaija hina egi eja jhina Hebron eja herena, egi eja Jehowa nab‐haruxaj hauisha giuna.