Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

ZEKARIA 13 - OTSAO BAIBEL (BSI)

1 “Jowanpa Khüthak Zang-e thüi: ‘Chemtue hanpak nguile hüiüihex, Dawid sixli hia Jerusalem angkya khünaknu, hwom ochaxbu hia chapa shwomkyabu tokya atsao angkya hanpakma shuasa tuita fuakle lai angkya changle.

2 Hepongma kue chaxwan angkya chapabu mün jaojao apaoüi, ilaxle owaechu ibu texle atak ang müntom. Owawae aje changpule akaxkyabu kue amütüi ilaxle chapa to shwomse le tsukya mong kue apaoüi.

3 Ifüimachu owawae aje angkya wüi changle le zongpankya mix jangtüi, honu hia hopa nyie chix a mik max ang tom angkya wüi akax angkya changle, chemthüikoxle chixe Jowanpa kax akaxpu le thüilaxle othai kax taile. Chemtue chixe ajele ngopuix ipongma honu hia hopa nyie chix tople langüi.

4 Ija tunu nguile hüisheme, aje owachu mae ngünkya bama tsaichong-kaxbongle chang angkya müntüi. Chixe aje ningle mokle aho tamchu khünaknu dyen angkya hanpakma ajepa hwom za-pua laxle chang angkya mwot chemchu müntüi.’

5 Itülüi, chixe thüiüi: ‘Ku a ajepa münchang. Ku a manzai mix tuita changpu--tsünjang masule kue haxtok ma manzaile ngopu.’

6 Ifüima owawae ‘Idu nang thünkhux angkya chemthüikya makman?’ le atüile jangchang, chixe lan angkya a ‘Kue ibu zuikhui hom to maklax le changpu.’”


Zang Chunnyetpa Lang angkya Kaxtom

7 Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi

8 ilaxle chaxwan tok angkya khünaknu othom azom kha angkya othom anyi a zile paoüi.

9 Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

Wancho Naga Bible - OTSAO BAIBEL

Copyright © 2012 by The Bible Society of India

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ