Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

WANWÜNKAX 6 - OTSAO BAIBEL (BSI)


Anaole chuwüi Kaxkhünbu

1 Ku sa, nange owawa thashe bama hünlit laxüihex-ole tsaosax daopia?

2 Nang zangwün hia nang kaxtsaobue nang alüile aman dao pia?

3 Jangchangba ku sa, nang a ija mixsün chak to tüidaoa, ikoxlechu ikha tokya laile paotsuak angkya olom a ija changle: momle chix ha aloplax, ilaxle nang dan angkya tsaiju-kaxjule changlax.

4 Nange nang jip ang taxkox chichangba nazak lax ang taxtün.

5 Kam thoto o paokya ningle chichangba müihapmix thoto müikhi paole azangkya ningle ija kam thoto nang paole azanglax.

6 Zaxkak mixbue tsükhi-tsiksabu ngokya zanglom makhange mwotlom awanle kop angkya oli.

7 Hwom khama lompa, chongwang, chichangba apün-awangkya mix müntüi,

8 ikoxlechu tsonue hwom sütling athünle koplaxle zangwa hüikya thoma atha-anyemle bangle.

9 Zaxkak mix tuitae chemtukux pangnu khato atsele aham ngoüi? Chix jip chemtue zo angkya?

10 Chixe thüi: “Onox ma chak kün laxle nazakle tam shuiüi.”

11 Ikoxle chix jiple ngotama, thua-jan füikya mix lailaile tui-nuake chix ziakople bangüi.

12 Laxli chitüikya, chichangchizang khünakbue pangnu chito atsele aham.

13 Nang dyen angkya hanpakma hwome mike jep, chak-khi füi hile,

14 ipongma chimüikya hwom tutex ma chichang-chizangkya mwottho zing, ilaxle pangnu chito wüi cheile tingtui adün.

15 Ija khokho ma, kaxho-ngaokhomkya chitüitoxle thamae hwom to thule hüiüi, ilaxle hwom a wün ang chimüile thomzün apongle changüi.

16-19 Jowanpae adu ang chithole anukya a oli anüt tüile: Mongngam mik-hu-thünza, atsekya le, chemngax chichangkyabu mik-amütkya chak, chichangchizang mwottho zingle alaikya khangka, chichang-chizangkya mwot mok ang momle zikkya cha, tuita füima tuitale mikngün kaxngai othai koxkya, ilaxle zuikhui bato tucheile amakya.


Chinunchakkai bama fakya Kaxkhün

20 Ku sasün, hünpae chem akaxpuix ija moklax ilaxle hünnue anwot-anole fakya otuechu alakle taxchang.

21 Ibu zangwün nang füi chithaile thomlax, ibu nang mongkha ma awünle koplax.

22 Ibu hwon-nwote aham pongma nang lomzunüi, zangnak ma kho-awaüi, ilaxle anyixningle nang to zünsaile changüi.

23 Adangle fakya ibu a wünnyan changle; achangle fakya ibue nang chemle ngokox müiüi ija anwot-anole fa ang tsuak.

24 Ijae nang chimüikya shekobu füi atsaile thom ang tsuak, owawa mix kakonu tunmüi zangwünbu füia.

25 Hwom sün-jo müikyae nang to thwontsingle chang ang taxtom; khuixle hukya hwom mik-hubue nang aman ang taxtom.

26 Lüka mixpa tuitae ankhao tuita koxlaxle tsangtsa hangkya mixcha tuita shakle apüi ang thoüi, ikoxle chinunchakkaikyae chix ma atüitüi komle tsangthom angkya laiüi.

27 Nange nyi chiashun homtoxle nang khaxtok ma wün kople aham ang tho ang chami?

28 Cha to chihuak homtoxle nang wünhan ding to aham ang tho ang chami?

29 Mix kakonu owawa füi jip-pomle chang angkya a itukuxle thama changpu. Owae ile moklaxpuix sikngün apongüi.

30 Wok ano pongma süt ahuxle saxkya ahuxmix wün khünaknue münhai;

31 ikoxlechu chix a kople jangchang, chixe othom anüte nüile tsangthom angkya changpu: chixe chix ma atüitüi komkaile dantox angkya oli changpu.

32 Ikoxlechu chinunchakkaile changkya khünak ma chem tutex chemchu müntüi. Chixe chix alüile amüt ngopu.

33 Chix to thajao-wünhaile fit-müile changüi; chix a owüiole oman amütle chang ang tomüi.

34 Osing-nüfux tüipongkya tukux kakopa tuita a chemtuechu mongtsik-mongmale münchang; chixe olüix khomkya ma chem othüt müntüi.

35 Chixe tütaningkya tsangthom chu pongle münkop; tüta tukuxkya hingho-chaktwon füichu chix ang mongzom müikya müntüiüi.

Wancho Naga Bible - OTSAO BAIBEL

Copyright © 2012 by The Bible Society of India

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ