WANWÜNKAX 10 - OTSAO BAIBEL (BSI)

Solomon Wanwün-kaxbu

¹ Ibu a Solomon wanwünkaxbu changpu: Jetüi-hwonlangkya su-sa hwome mapa hwom mongmüi ang tomle; ongatbue manu künmax-mongshan ang tomle.

² Chichangchizang lom tokhange nange kopkya tuinae nang ang olüi chemchu münfa, ikoxle sukyae nang khosün ang tsuakle.

³ Müikya khünakbu Jowanpae woknuak ma ngo ang müntom, ikoxlechu chixe chichang-chizangkyabu ang hwome kopse tsukya kop ang müntom.

⁴ Zaxkake nang chitüi-chinang khünak ang achangüi, ikoxle azongle mwot mokkyae nang saxpu-luawang ang achangüi.

⁵ Khünzai mixe puamünle tüipongma sax zütle athünüi; tsaxtu tuke jipbashuile ngokya a zakkop changpu.

⁶ Müikya khünakbue mohimanbu kopüi. Chichangchizangkya zangwünbu tokfüi ma changnong-pünthomkya zanglom pyenle thomle.

⁷ Müikya khünakbu a mohiman tuita ang texle ataküi, ikoxle chichang-chizangkyabu a lebama wüi alakle samdaoüi.

⁸ Khünzaikya khünakbue anwot-anole koxkya pongle kopüi. Ongat zangwünkya khünakbue thama apongüi.

⁹ Khünak otsingtsingbu a khangkho azangle changüi, ikoxle thaithaxkya mix a kopüi.

¹⁰ Owawae otsingtsing tsyenle jangtüi thüiningle tingtui dongkya tüiüi, ikoxle owawae ngaithole achang fakya jangtüi thüiningle ija a tumüi mwot mokkya changpu.

¹¹ Müikya khünak tuita zangwün a khüzün tümik tuita changpu, ikoxle chichang-chizangkya khünak zangwün tokfüi ma changnong-pünthom azwonle tüile.

¹² Miktsake hyet adünle, ikoxle mongküne ma zongto thaikya pangwüi alakle.

¹³ Jetüi-hwonlangkya mix-e laxli zang wünle, ikoxle ongat khünak a sikngün ang tom angkya wüi changpu.

¹⁴ Jetüi-hwonlangkya khünake tsuakkya pongle tsing-wankya kople, ikoxle chemtue ongat khünake zangwünle changpuix, tingtui a hoxchwon ma tüile.

¹⁵ Tuinae ahak-aluakyabu khosele; otui-onuake chitüi-chinangkya mix olithule.

¹⁶ Müikya mwot mokkya hingho a khüzün changle, ikoxle ochaxe sisile ochax to alyetle.

¹⁷ Hwom to achangle fapongma apakya khünakbu ozün ma ngoüi, ikoxle hwom thaikya to thaidaokox-ale chithüi tsuakkya khünak thama ma tüile.

¹⁸ Miktsak khomle thomkya khünak pangwüi tselopbu changpu. Khualop-zangwün atsatle changkyabu a ongatbu changpu.

¹⁹ Nange zang chemtukux wünpuix, itukuxle nange ochax lyen angkya chwonpai ma tüile. Nang jetüi-tüikya khünak jangchang, nang a dangle ngoüi.

²⁰ Müikya khünak tuita zangwünbu a tsaothakya khop ningle changpu; chichang-chizangkya khünak tutex a laxli chitüikya changle.

²¹ Müikya khünak zangwünbu füi khünakbue olap kopüi, ikoxle ongat makhange nange ma alüile lang ang thoüi.

²² Nang hakpa-luapa ang achangkya a Jowanpa mohiman makhange changpu. Azongle mwot mokle changkya tokhange nange sisile tüi-nangkya mix ang achang tsuaküi.

²³ Thaile mokkya ma mongzom müikya a ongat. Jetüi-hwonlangkya khünakbue hwon-je füi mongmüile.

²⁴ Otsao khünakbue chem laxse tsupuix kople, ikoxle chichang-chizangkyabue oja thua hwom süchongle zapuix ija kopüi.

²⁵ Zangchei-zangwat hüi, ilaxle chichang-chizangkya khünakbu a jeple pao, ikoxle thaikya chitüikya khünakbu a jento azangle ngo.

²⁶ Nang mwot tütali mokle fa ang nange otuechu zaxkakmix taxlax; chix a wa ma müifun apitkya chichangba mik ma zamak wangkya tukuxle nang to poxpoxle changüi.

²⁷ Jowanpa kax ma laxle tüilax, jangchangba nang tsünlole ngoüi. Chichangchizangkya khünakbu a hwom hanpak manguiba zile.

²⁸ Müikya khünakbu monghome mongmüi hato zunle, ikoxle chichang-chizangkya khünakbue sungle hu angkya chemchu müntüi.

²⁹ Chithaikya khünakbu to Jowanpae ziakop thomle, ikoxle thaile mokkyabu amütle.

³⁰ Otsao khünakbu hanpakma jento ziakople thomkya tüingole, ikoxle chichang-chizangkya khünakbu haxtok ma ozün ma münngoüi.

³¹ Otsao khünakbue jekax akaxle, ikoxle ochax zangwünkya leza a zütdaoüi.

³² Otsao khünakbue chingcha zangwün angkya awanle, ikoxle chichang-chizangkya khünakbue othuithuima mix mongto ma angkya olili wünle.