Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

RUT LAIPEX 1 - OTSAO BAIBEL (BSI)


Elimelek hia Chix Homkha Moab to Pao

1-2 Kaitanto, Israel nok ma wanghom tüiüi thoto, hwom chaxwan to otui-onuak hüi. Ikhoma Elimelek le amünkya mixsün, owa Efrath homjen changkya hex üntoxle owa Judah angkya Bethlehem ma ngole tüikya hex, ija mixsün chix kakonu Naomi hia sasün anyi, Mahlon hia Chilion nyi koplaxle onox ma Moab nok to ngo ang pao. Hwom ikhato ngopongma,

3 Elimelek zile pao, ilaxle Naomi a sasün nyi füi she tata danle tox.

4 Ija naosün nyie Orfah hia Rut le amünkya Moab cha nyi apüi. Zanglao bün homkya füima,

5 Mahlon hia Chilion nyi chuwüi zile pao. Naomi a kakopa nang chitüi, naosom nang chitüile she tata dantox.


Naomi hia Rut nyi Bethlehem to Chat

6 Noxta ngofüima, Jowanpae hwom khünakbu to saxziak puamün ang tomle mohiman koxkya zing Naomi-e atat ang kop; ikhoma she a nomcha nyi füi Moab toxlaxle chat angkya achwon.

7 Judah chaxwan to chat ang hwom tomwüi achex, ikoxlechu lomba to

8 she-e nomcha hokhi ang thüi: “Mahom-hom to chatlax ilaxle manu hwom füi ngolax. Ku zongto tamchu ziünkyabu zongto hünkhi chemle müile tüidaopuix ijaningle hünkhi füi Jowanpa naxmüifa.

9 Jowanpae hünkhi pangnyi wüi chatle kako tanlaxle homhax zaile ngo ang asule mohiman naxfa.” Ikhoma Naomi-e hokhi füi afan angkya tun apong. Ikoxlechu hokhi sop ang süt

10 ilaxle she ang thüi: “Ile münchangüi! Kukhi chuwüi hünzom khünaknu hato paoüi.”

11 Naomi-e lanle thüi: “Ku sacha nyi, hünkhi a chatkox wüi müi angkya changle. Hünkhi ku füito omalax ang hüise tsu? Hünkhi ating-anok angkya hanpakma ku ma tamchatle sasün hwom tüitsuaküile hünkhie ajang pia?

12 Hom towüi tachat, chemthüikoxle tamchatle kako tan ang ku a huanuma azudaoa. Ile changtsuak angkya ku ma monghom tüi ilaxle kue aja wüi mix ma anok ilaxle sasün hwom ngün,

13 ile namchang thünchu hünkhie hwom tsongkya tan ang tholax angma? Hwom tanle owawa ma ating-anokle chichang homtoxle ngonui ang tholax angma? Münchang, kusa nyi, ile chang ang müntsuaküile hünkhie awanlax ngopu. Jowanpa ku zan to kale changdaoa, ilaxle hünkhi thütlaxle ku ang huanuma mongmale.”

14 Okhi anaolechu sop ang süt. Ifüima Orfah-e honyenu tun apong ilaxle hom to chat, Ikoxlechu Rut-e she to künle kopkya chidan.

15 Ikhoma Naomi-e she ang thüi: “Rut, nang nanaonu a she mamix hia she baozang hato chatdao. She füi tomle nangchu hom to chatlax.”

16 Ikoxlechu Rut-e lan: “Kue nang dantoxlaxle chat ang ku füi taxakax! Ku nang füi tomle pao ang tomhüi. Nang ojongto paopuix, ku chu ikhato paoüi; nang ojongma ngopuix, ku chu ikhama ngoüi. Nang khünakbu a ku khünak ang achangüi, ilaxle nang Zang a ku Zang ang changüi.

17 Nang ojongma zipuix, ku chu ima ziüi ilaxle ku akhün angkya ikha changüi. Ozik-omüte ajanle lüwüi chichang, mama lom tokhange ku nang füi afan angkya jangchang Jowanpae ku ang sümakya sikngün naxfakox!”

18 Chemtue Naomi-e Rut a she füito pao angkya wüile mongtsukya ngünle laxpuix, she-e tamchatle mama zang chiwün-ngo.

19 Bethlehem alople hokhi tomtomle ngui. Chemtue hokhie ikha alople changpuix, tingnu pangkhato wüi mongmüi ilaxle shekobue thüi: “Ija a Naomi changchami?”

20 She-e thüi: “Ku ang Naomi le taxnyak; ku ang Marah, chemthüikoxle Zang-e ku tsün khaxkya ang achangdaoa.

21 Kue ikha dantox pongma ku okhonguile tüikya, ikoxle Jowanpae ku chak hua ma chat ang tompu. Jowanpae ku wünhai tamchu sikngün zolit ahüile chang füima ku ang Naomi le chem hanpakma nyak angkya?”

22 Ija a, Moab nok tokya Moab cha she nomcha Rut koplaxle chemle chatpuix ija changle. Chemtue hwom Bethlehem to nguile changpuix, tsaxsa-tula tsax atu angkya owang wangtan changkya.

Wancho Naga Bible - OTSAO BAIBEL

Copyright © 2012 by The Bible Society of India

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ