ROM NOK HATO ZAKYA POL LAIZA 13 - OTSAO BAIBEL (BSI)Pünpa-chongwangbu Kax ma Lax angkya 1 Chaxwan apün-awangkyabu kax ma pangnusae wüi lax angkya changpu, chemthüikoxle Zange chifakya apün-awang angkya olom chemchu müntüi, ilaxle apün-awangle ngokyabu angchu zong Zange fapu. 2 Idaile apün-awangle ngokyabu zongto opüima tüikya a Zange zingkya zongto apüile tüikya changpu, ilaxle ile mokkyabue ma hato alüile kaxfün apüiüi. 3 Chemthüikoxle apün-awangkyabu a mwotmüi mokle ngokyabu, za angkya hanpakma münchang ikoxle chichang-chizang saxmokle ngokyabu za angkya hanpakma changle. Apün-awangkya mix thua chiza homtoxle nang ngose tsucha? Ile jangtsu thüiningle, chem müipuix ija moklax, ikoxle chixe nang achuak achenüi. 4 Chemthüikoxle nang füi naxmüi le mok angkya hanpakma chix Zang thothapa changle. Ikoxle nange chichang-chizangle jangmok, chix thua zalax, chemthüikoxle sikngün fa angkya zong chix ma tüikya otsing changle. Chix a Zang da ilaxle chichang-chizangle saxmokkyabu to Zang mongtsik kaxtom moküi. 5 Ija khoma hünzome pünpa-chongwangbu kax ma lax angkya changle: Zang mongtsik khoma tata le münchang ikoxlechu nang mongkho ma dongkya tokhange. 6 Nange süibu koxkyachu ikhoma le changle, chemthüikoxle hwome hwom mwottho to mongkoxle mokkya a pünpa-chongwangbu Zang hanpakma mokkya changpu. 7 Idaile hwom ang koxsese laxkox; süi malomlom laxkox, ilaxle ibu pangnu ma hwom ang chathua zakya hia achuak achenkya ahokox. Khünak tata füi Mong-akün angkya 8 Owa füichu thashe ma taxngo: nang ma tüi angkya thashe tuita a tata füi mong akün angkya changle. Owae ma üitho to mongkün laxpuix, chixe wanlom kax ma laxdaoa. 9 Kaxtom: “Chinunchakkai taxtüi; mix taxlang; taxahux; taxafux” ibu pangnu, ilaxle ibomachu mamabu, ibu pangnu kaxtom tuita “Nang füikya to ma ningle mongkünkox”, le thüikya ma athütle tüile. 10 Ma füikya to mongkünkya mixe chix zongto oma mwot chemchu münmoküi. Idaile mongkün angkya a, wanlom pangnu kax ma laxkya changle. 11 Nange ija mok angkya wüi, chemthüikoxle ija chemtu-chemwan hex nange münawan; nang jiple ngokya zo angkya hanpak zanghan hato nguile hüidaoa. Ami owang pongma keme mongongkya chaxwan zanghan füi athax kem khosün angkya hato wüi süsoxle tüidaoa. 12 Zangnaknu kai laxle zangngai hax khakha changle. Keme mokle ngokya zangnak mwot dantox daoa, ilaxle zangngai ma azan angkya chang pax laxle koplax. 13 Chinunchakkai hia jutok saxngat chitüile, müi-hi-aji küntsu monglua lom ma hia chitsaokya lom ma chichangle, ahe atsikya hia afux-alaokya chitüile; anyixningkya zangngai ma ngokyabu ningle kem zanglom saikha müile ngo angkya thüt-hax. 14 Ikoxle Jowanpa Jisu chang hi pax koplaxle, ilaxle chix mongtsukya, mongzom amüi ang, ochaxbu zanglom to hünzom mong ko |
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
Bible Society of India