NAHUM 2 - OTSAO BAIBEL (BSI)

Ninewi Maxkya

¹ Ninewi, nang a zansing fang ma tüile! Nang amüt angkya tsak-zong nguile tüile. Hünzom ziakop ang achwonlax! Lomtang nyele thomlax! Azan ang achwonlax! (

² Zan-nokbue hwom pünle amaüi thoto chemle tüikya hex, ija ningle, Jowanpae Israel nok fuazang chatle zingle achatüi khakha.)

³ Zan-nok süpahibue hwom dibu kopkople ilaxle talailaile khisumkya za laxlaxle. Hwom a sing ang achwonle ngole! Hwom man-kanlinbu wün lailaile nyanle! Hwom manbu zan to ka ang mongzokle cha tswon!

⁴ Man-kanlinbu a lomnu fole zikle le, tingjang lomnu to noxnoxpak le. Hwome wünnyanbu lailaile nyan üntoxle zangchangjep ningle kaochi tokhange kaochi to nyan.

⁵ Alixachongbu sele asox; hwom suasuanua le thochi to le. Sing angkya khünakbu a katuk chito azutle hüi ilaxle mixhap-mixsan ha ang dibu füi loxtok zing.

⁶ Shuanu kax ma tüikya fülom ka dap; wanghom homkha a okhong-okhae awang.

⁷ Wangchanu a zanda ang koplaxle pao; she dacha hwom a jua-o lailaile

⁸ Tithum tuita angkya ti dapkya ningle Ninewi angkya khünaknu azutle zik! “Zakkox! Zakkox!”, le akhong— ikoxle opupuechu aküile chihu.

⁹ Khop a thuple akhixkox! Hun a thuple akhixkox! Tingnu a thanu-juapa e awangle tüile!

¹⁰ Ninewi a amadaoa, dantoxdaoa, owachu chingole! Za le mong-khax shunzo le chang; chikux ahong, janzüi tamchitüi; thünza-nakua huisho le.

¹¹ Athax tingnu a ojong mailangbu longkun ningle ngokya tingnu a, mailang hosabu tuxle ngokya onui a, mailang honu-hola hwom ojong to le tamchu hosa hwom a chemle azünüi?

¹² Mailang tuitae müi langle sax omüi ibu ma kako hia naosom hwom hanpakma ashik le akhix; chixe chix longkun a müifunbue awang.

¹³ “Ku a hünzom zanpa changpu! Kue hünzom man-kanlinbu zokle ashunüi. Hünzom süpahibu a zanhok ma max ang tomüi, ilaxle nange mixkux laxle tüikya pangwüi kue tsuile paoüi. Hünzom kaxhomixbu zingzua athax tam-münatat”, le Jowanpa Khüthak Zang-e thüile