MÜNCHUAK-TSAI 99 - OTSAO BAIBEL (BSI)

Zang a Akhokya Chongwang

¹ Jowanpa a chongwangpa changle; ilaxle khünaknu abünle zale. Chix a ozang füikya zünmokbu ding ma thungnui kople tüile ilaxle chaxwannu aloxle.

² Jowanpa a Zaion ma jatho-jalün ang ngole tüile; chix a zangfang pangnu thakma akhokya changle.

³ Pangnusae chix chongkya hia taitax mün achuaküi. Chix a Otsao changle!

⁴ Chix a taitax wanghom, nange chem supuix ija to mongkün; nange Israel ma sukya kaxfün apüitsuakle; nange otsao hia masüi-mix-chilüikya apüitsuakle.

⁵ Jowanpa kem Zang achuak kox; chix tüntong tunthoma achuak kox! Chix a Otsao changle!

⁶ Mosa hia Arun nyi a chix zompu-zangpa changkya, ilaxle Samuel a tuita chix to jopkya mix changkya; hwome Jowanpa to nyak ilaxle chixe hwom kax to lan.

⁷ Thong lailaikya zangfwom makhange chixe hwom füi akax; hwome chixe hwom ang koxkya wanlom hia kaxtombu kax ma lax.

⁸ O Jowanpa, kwom Zang, nange nang khünaknu kax to lan; nange hwom ochax khoma hwom sikangünle changkoxchu nange hwom hato nang a thailak fakya Zang changle le aho,

⁹ Jowanpa kem Zang achuak kox, üntoxle chix otsao haxhua ma chix to shwomkox! Jowanpa kem Zang a otsao.