MÜNCHUAK-TSAI 98 - OTSAO BAIBEL (BSI)Chaxwannu Apün-awangkya Zang 1 Jowanpa ang tsaizün tuita ngaokox; chixe ohünotün mwotbu mokdaoa! Chix tsak-zong hia otsao janzüi makhange chixe zan lüt ang thodaoa. 2 Jowanpa chixe lütkya tsing ang tomle; chixe chix khosün tsak-zong zangfange awan ang koxle. 3 Achuak-achenle tamchu mongkün füi chixe Israel khünaknu ang hwom füikya chix kaxtsao thomle Khünak pangnue nok khato kem Zang-e lütkya ngün ang kople. 4 Chaxwannu pangnu, Jowanpa ang mongmüi ahole tsai ngaokox; tsai füi chix achuak üntoxle mongmüile akhong kox! 5 Jowanpa achuakle tsai ngaokox! Thuaput-waxmaibu mütle angaokox! 6 Nyazong hia müizongbu mütkox, ilaxle Jowanpa kem Zang hato mongmüi ahole akhong kox. 7 Molo Tinu, nang hia nang ma tüikya zünmok pangwüi akhongle; chaxwannu, ilaxle nang ma ngokya pangnue tsai ngaokox! 8 Hünzom shuajenbue chak akhaokox; hünzom haxhuabu, Jowanpa hato wonmüile tsai ngaokox, 9 chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi. |
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
Bible Society of India