MÜNCHUAK-TSAI 95 - OTSAO BAIBEL (BSI)

Tuita Achuak-achenkya Tsai

¹ Oman, keme Jowanpa achuak-hax! kem kho-awapa Zang ang mongmüi ahole tsai ngaohax!

² Chix tuntho to münchong fale hüihax ilaxle mongmüi tsai chix achuakle ngaohax.

³ Chemthüikoxle Jowanpa a akhokya Zang changle.

⁴ Azukya longkun tokhange atsuakya haxnukho alople chixe zangfang pangwüi to apünle.

⁵ Chixe zingkya tilo-tinu tochu chixe apünle; chixe alaikya haxwan tochu chixe wüi apünle.

⁶ Oman, keme chix tongshwom le akhuxhax; kem zingpupa Jowanpa tuntho to akhuxhax!

⁷ kem a chixe apu-achangle ngokya khünaknu changle, chixe osüt füi tuxle ngokya chunzyem a.

⁸ “Meribah ma hünpu hünpa hwom natütkya ningle hünzom taxtüi, Ija nyix Massah angkya sak-hax ma hwom ngopongkya ningle a.

⁹ Hwom hanpakma kue mokkya hwome komkaile ngünle hüidaokoxchu. Ikhato hwome ku to thwontsingle wanle ano.

¹⁰ Zanglao punyi nguile ku, khünak ibu füi nushix dongkya ang ngole hüi. Kue thüi: ‘Khünak ibu a chem ningkya kax ma chilaxkyabu hex! Hwome ku kaxtombu kax ma münlaxpule angam.’

¹¹ Ku ang mongtsik ilaxle otsingtomtata ma tsaotsüt: ‘Ojong khato kue hünzom ang nazak koxse hex ija haxtok to hünzom a chemtuechu ngui ang müntom.’”