MÜNCHUAK-TSAI 85 - OTSAO BAIBEL (BSI)

Onok Fün Amüi angkya bama Zangjopkya

¹ Jowanpa, nange nang chaxwan to chingchale tüikya; nange Israel nok tamchatle ahak-aluale chang ang tom.

² Nange nang khünaknu ochax thailak tüidaoa ilaxle hwom thaikya pangwüi chingchalaxle alakdaoa. Selah

³ Hwom füi mongtsik haxkux nange thuakjokle azak ilaxle nang shixkya küntsik-mongma abaxle tüi.

⁴ Kwom chatle chat ang tomhüi, O Zang kwom khosünpa, ilaxle kwom mong ama ang tomkya zak-hüi!

⁵ Nang kwom füi jento mongtsikle ngoüi hia? Nang mongtsik tam Münzaktoxüi hia?

⁶ Kwom chatle tam tsak-zongle chang ang tomhüi, ilaxle kwome, kwom khünakbue nang achuak-achenle changüi.

⁷ O Jowanpa, kwom hato chizakkya nang mongkün ahohüi, ilaxle kwom ang nang khosün fongkya fahüi.

⁸ Kue Jowanpa Zang-e chem akaxpuix ija to apa ngopu; kem amikya ongat lomtang to chatle chichat jangthüiba chix khünaknu kem ang mongsom kox ang tsaole.

⁹ Chix chathua zale tüikyabu ang tütakoxlechu khosün kox angkya chix achwonle ngole, ilaxle chix khosün tsak-zong a kem haxtok ma ngoüi.

¹⁰ Mongkün hia chialekya mongong nyi apongüi; otsao hia mongsom nyi akünüi.

¹¹ Khünaknue kax ma laxle tüikyabue chaxwannu angkya ding to nwonüi, zangkangting tokhange Zang otsaoe chaxwannu to asongle huüi.

¹² Jowanpae kem ahak-aluale chang ang tomüi, ilaxle kem haxtoke puamün okhonguile faüi.

¹³ Otsao a Jowanpa tunthoma ahamüi ilaxle chix le angkya lomtang achwonüi.