MÜNCHUAK-TSAI 82 - OTSAO BAIBEL (BSI)

Zang a Apünkya-mix Akhokya

¹ Zang-e zangkangting katzua lax ang ahyen; ikhato nguawangbu tusox ma chixe chix mongtex ngai:

² “Hünzome chisukya kaxfün fale ngokya zak angkya wüi changle; chichang-chizangkyabu to hünzome süi-chapkya chemchu chitüi angkya oli changle! Selah

³ Chitüi-chinangbu hia mixshix-zasabu süntswon khose angkya olom; chitüi-chinangle maxsam ngokyabu to hu angkya olom ma hule kox angkya wüi changpu.

⁴ Ochax khünakbu chak tokya hwom azünle kop angkya oli changle.

⁵ “Hünzom a chemtukuxkya ongatbu hex! Chem ngat ma ngapuix! Hünzom a komkaile chichangchizangle tüidaoa, ilaxle chaxwan angkya sukya olom a samdaoa.

⁶ Kue thüipu, ‘Hünzom a baozangbu changle, hünzom pangwüi Khüthak Zang su-sabu changpu.’

⁷ Ikoxlechu hünzom a zi-angkyabu ningle ziüi; hünzom tsün chuwüi owawa wanghom tuita tsün paokya ningle paoüi.”

⁸ O Zang, oman, keme chaxwan apünhax; jat-libu pangwüi hünzom kux changle.