MÜNCHUAK-TSAI 8 - OTSAO BAIBEL (BSI)

Zang Fuazangkya üntoxle Khünak Chuak-chongkya

¹ O Jowanpa, kwom Hopupa, nang zaxzangkya chaxwannu pangnukha to ngünle! Nang achuakkya zangkangting alople;

² ija a naosombue ngaole. Nang zanpabue chem chithüitsuak angkya khato nang ngole tüile; nang zongto tüikya mix nange abaxle.

³ Kue, chemtue nange zingkya zangding to hupuix, nange ibu ma ngwotnuinui to apütle thomkya lyetnu hia lyettsibu ngünpuix;

⁴ nange hwom tuitexle ngo angkya, khünak-mixsabu a chem changlaxpuix? Zile samdao angkya muakya mo nange wünngo laxwüi.

⁵ Ile changkoxlechu nange hwom nang fang fang male zingpu; fuazang hia achuakkya khohom nange hwom ang koxpu.

⁶ Nang chakzing pangnu thakma hwom apün-ada angkyabu ang hwom nange kampu; nang chakzing pangnusa thakma nange hwom toxpu:

⁷ tsom-pom hia faomüibu pangnu thakma;

⁸ ding angkya osabu üntoxle timong tokya nyax tamchu tinu khato tüikya zünmok pangnu thakma.

⁹ O Jowanpa, kwom Hopupa, nang zaxzangkya chaxwannu pangnu khato ngün ang kople!