MÜNCHUAK-TSAI 75 - OTSAO BAIBEL (BSI)

Zang a Kaxfünpa

¹ Kwome nang ang münchong fapu, O Zang, kwome nang ang münchong fapu! Kwome nang chemtukux chongpuix ija achuakpu üntoxle nange mokkya ohünotün mwotbu mo wünpu.

² Zang-e thüi: “Kue kaxfün angkya hanpak tyadaoa, ilaxle kue masüi-mix-chilüile kaxfün faüi.

³ Ozün ma tüikya zünmok pangwüi abünle zakoxchu ilaxle chaxwan tomtata aloxle changkoxchu, kue ija chifün shingmongle thomüi. Selah

⁴ Kue chichang-chizangkyabu ang ongam ahole taxtüile thüipu;

⁵ kue hwom ang tsaichong-kaxbongle tüikya zak angkya akaxpu.”

⁶ Kaxfün a handün hia hannopchi tokya hüiüi münchang, chichangba shuakux hia shuathong chitokya hüiüichu münchang;

⁷ Zang tix kaxfünpa changle, züizüi omüt ang achangüi ilaxle züizüi a sukya ang achangüi.

⁸ Jowanpa-echix chak ma wansa tuita twonlaxle tüile. Ija ma chix mongtsik jue awang laxle tüile. Chixe ija thokle kox, ilaxle chichang-chizangkya khünak noke ling; hwome ija othongkim to lünle ling.

⁹ Ikoxlechu kue Jakop Zang mo wünle akaxkya ku kax tam-münzak chichangba chix achuakle tsai ngaokya a.

¹⁰ Chixe chichang-chizangkya khünakbu tsak-zong akhixle awütüi, ikoxlechu otsao khünakbu tsak-zong a sisile zax-zangüi.