MÜNCHUAK-TSAI 70 - OTSAO BAIBEL (BSI)

Ofong-otsox lomle Zangjopkya

¹ Ku khosünhüi, O Zang! Jowanpa, ku to athax asunhüi!

² Opange ku lang ang tungle ngopuix hwom to anaolaxle khangkho asamle changkox. Ku sikngün khoma opang mongmüi atungle ngopuix hwom chatlaxle chingcha chitüile ngo ang tomkox.

³ Opange ku chanyile ngopuix hwom to anaokya khoma mongmaxle abüt ang tomkox.

⁴ Nang hato opang nguipuix hwom pwonla dongle mongmüi ang tomkox. Nang khosün hanpakma nang ang münchong fale ngokyabu pangnue othuithuima nax akax: “Zang a chemtukux chongpuix!”

⁵ Ku a tsak-zong chitüikya khünak tamchu chitüi-chinangkya mix changpu; O Zang, momle ku hato nguihüi. Nang a ku khosünpa tamchu ku Jowanpa changpu: momle ku to fong ang nguihüi!