MÜNCHUAK-TSAI 67 - OTSAO BAIBEL (BSI)

Münchong fakya Tsai tuita

¹ Zang, kwom to chingchahüi tamchu mohimanhüi; kwom to chingchajaja füi huhüi, Selah

² zangfang pangnue nang mongtex tsingle lax angkya hanpakma; ile jat-libu pangnue nang khosün tsingle naxlax.

³ O Zang, khünaknue nang achuak-achenle naxchang; khünaknu pangnusae nang achuakle naxchang!

⁴ Jat-libu mongmüi laxle pwonlatungle tsai naxngao, chemthüikoxle süi-chapkya chemchu chitüile nange khünaknu kaxfün ilaxle chaxwannu angkya jat-li pangwüi lomzun. Selah

⁵ O Zang, khünaknue nang achuak-achenle naxchang; khünaknu pangnusae nang achuakle naxchang!

⁶ Haxtoke ija angkya puamün alaidaoa; Zang, kem Zang-e kem to mohimanle.

⁷ Zang-e kem to mohimanle; pangnu khato khünaknue chix achuak-achenle changkox.