MÜNCHUAK-TSAI 61 - OTSAO BAIBEL (BSI)

Khangkho Awale kop angkya hanpakma Jopkya

¹ O Zang, ku sopkya zing atatlax; ku zangjop to apahüi!

² Khosam ashukle tamchu ochu tokhange kue nang nyakpu! Chaza angkya chemchu chitüile khangkhom angkya nui to ku paofa,

³ chemthüikoxle nang a ku kho-awapa changpu, nang tix zanpabu tunthoma shingmongkya ku ziakop changpu.

⁴ Ku othuithuima nang otsao nui ma ngo ang tomhüi; nang-kui nang-zangbu fang ma ku chaza chemchu chitüile ngo ang tomhüi. Selah

⁵ Nange ku tsaosütbu atatle kopdao, O Zang, ilaxle chempang nang chathua zakyabu kux changpuix ibu nange ku ang kox.

⁶ Wanghompa tsün to zanglao obi-obie bole kox; chix a tsünlo zaknuile ngole nui ang tomkox!

⁷ O Zang, chixe nang ngwotnui makhange okuilole apün-ada ang laxkox; tamchu chizakkya nang mongong hia mongkün füi chix kho-awale kopkox.

⁸ Ikhoma kue nang achuakle tsai ngaoüi othuithuima, nyixfokya to ku tsaosüt tö koxle changpongma.