MÜNCHUAK-TSAI 60 - OTSAO BAIBEL (BSI)

Khangkhosün angkya hanpak Zangjop

¹ Zang, nange kwom chilaxle awüt, üntoxle kwom towüi anao; nang ang kwom füi mongtsikle chang: Ikoxlechu athax kwom hato wüi anongle chat.

² Nange haxtok nang thuazale abün ang tom, ilaxle nange ija afile adap; athax ija kak amüihüi, chemthüikoxle ija a apun-akhaidaoa.

³ Nange nang khünaknue sikngün huanu apong ang tomle; kwom a jutokmixbu lailaile khotukhonguile ahamle.

⁴ Nang achuak-achenle tüikyabu to nange kaxkhün koxle, ikoxtix hwome olithule lekya thangnak chak tokya hwom naxazang tsuaklax ang. Selah

⁵ Nang janzüi füi kwom khosünle changhüi; kwom zangjop to lanhüi, ile nange mongkünkya khünaknu khangkho sünkya naxtüi lax ang.

⁶ Chix Otsao Ngwotnui tokhangeZang-e akax: “Kue anaokya füi Sekem ahak-ahan ang tomüi ilaxle Sukkoth haxsha mixsün aku ang tom-hanle koxüi.

⁷ Gilid üntoxle Manasseh a ku kux changpu; Efraim a ku khohom changpu ilaxle Judah a ku wanghom kiathox changpu.

⁸ Ikoxlechu kue Moab a tilax khuatsum ningle twonüi, Edom ding to kue ku chisox tswonle awütüi, ija a ija haxtok ku chak to dongdaokya münwan changüi. Ku to lütlaxle sungdünle akhong ang kopüile Filistia noke thütlaxpia?”

⁹ O Zang, ku a ziakople thomkya tingnu to owae paoüi? Ku a Edom nok to owae zunle paoüi?

¹⁰ Nange kwom otsing tomta ma chilaxle awütkya changcha? Nang kwom süpahibu füi tomle zankat ma wom angcha?

¹¹ Zanpa füi azan ang kwom to asunhüi; khünake asunkya a chem angchu münchang.

¹² Zang kwomchima jangtüi thüikoxtix kwome lüt ang thoüi; chixe kwom zanpabu to lüttsuaküi.