MÜNCHUAK-TSAI 6 - OTSAO BAIBEL (BSI)

Sikngün pongma Fonghüile Zangjopkya

¹ Jowanpa, ku füi mong taxtsik tamchu ku to taxsa taxma! Nange ku sik tax-angün nang mongtsiktsik ma!

² Ku shanle paoüna, O Jowanpa; ku to chingchakya tüihüi! Ku a najao nale maxle, ku ang janzüi fahüi;

³ Ku khüzün a komkaile zongbak sikngünle. Ku to fong nange chemtukux tan-ngoüi? O Jowanpa!

⁴ Ngui üntoxle ku khosün hüi, nange Jowanpa, nang chingcha füi zikmüt-mangkho tokya ku khosünle.

⁵ Ama-lumting to nang a texle chiataküi; ito owaechu nang achuak ang chithoüi.

⁶ Mongmaxkyae ku shanle paoüna; jafokya to sopkya mikfi füi kulya shanüna; ku khangtyet a ku mikfi füi ashan thomdaoa.

⁷ Kue mimima lanle ngünle; ku mikbu a fingsule tüile zanpabue ku mong asop thomkoxle.

⁸ Ochax khünakbu shong-ngoün ku füi atsaile! Jowanpa ku sopkya atatatle.

⁹ Fonghüile ku sopkya zing to chixe apaüi, kue zangjopkya to chixe lanüi.

¹⁰ Ku zanpabu ang thünzak koplaxle mong to tsangle kaküi; khopi-napale hwom jwonle apaoüi.