MÜNCHUAK-TSAI 54 - OTSAO BAIBEL (BSI)

Zanpabu Chak tokya Khosünle kop angkya hanpakma Zangjopkya

¹ O Zang, nang tsak-zong makhange ku khosün hüi; nang janzüi füi ku danpanhüi!

² O Zang, ku zangjop atale kop-hüi; ku zangwünbu to apale kop-hüi!

³ Ongam füikya khünakbu ku to sing ang hüile; mongtsik-mongma füikya khünakbue ku lang ang tungle: Zang bama chem tuitex chitüikya khünakbue a. Selah

⁴ Ikoxlechu Zang a ku to fong angkya Zang changle. Zang a ku kho-awa angkya Zang changle.

⁵ Ku zanpabu to sikangün angkya hanpakma Zang-e hwom ochaxbu naxtwonkox. Chixe hwom amütüi chemthüikoxle chix a chialekya mongong füikya changle.

⁶ Mongmüi-pwonlale kue nang ang tö koxüi, O Jowanpa; kue nang ang münchong faüi chemthüikoxle nang a müikya changle.

⁷ Ku sikngün pangnu tokya nange ku khosünle kopdaoa, üntoxle ku zanpabu to lütkya kue ngündaoa.