MÜNCHUAK-TSAI 52 - OTSAO BAIBEL (BSI)

Zang kaxfün hia Chingcha

¹ Ochax ma achongkya mix, nang ochax bama nang büthüikoxle tsaichong-kaxbongpu? Chialekya Zang mongong ma oshuk müntüipu.

² Nange mix fün ama angkya hanpakma mongjang zing; nang lesa a anaxkya daxcha tuita ningle. Nange othuithuima kaxthai zangwün alai ang azongle ngole.

³ Müikya to künkya füi nang ochax towüi mong sükün üntoxle otsingtsing füi othai towüi mongkün. Selah

⁴ Nang-kax nang-ngao hia atsekya füi nange mix mong amakya to tüle lua!

⁵ Ikhoma Zang-e nang a othuithui hanpak ang olithule amaüi; chixe nang to künle kopüi ilaxle chixe nang homkha angkya nang ahuxle paoüi; chixe nang a ozün ma ngokya haxtok angkya apaoüi. Selah

⁶ Otsao khünakbue ija ngünle laxüi ilaxle hwom tüle abütüi; ifüima hwome nang chanyile thüiüi,

⁷ “Hulax, ma khosün hanpakma chix a Zang to chiongkya mix changle, itülüi chixe huanuma tüile ngokya tuina towüi mongongle ilaxle chichangchizangle tüikya ma chix khang azang angkya olom to hule.”

⁸ Ikoxlechu ku a Zang homkha ma tsongkya olip pün ningle changpu; kue othuithuima chizakkya chix mongkün to mongongpu.

⁹ Zang, nange chem mokdaopuix, ija hanpakma kue jento nang ang münchong fale ngoüi; nang a müihule le kue nang khünaknu tunthoma apuküi.