MÜNCHUAK-TSAI 47 - OTSAO BAIBEL (BSI)

Apünkya Chongwanghompa

¹ Khünaknu pangnu, mongmüi to chak akhaokox! Azaxle tsai ngaokya füi Zang achuakkox!

² Khüthak Jowanpa thua a za-angkya wüi; chix a zangfang pangnu apünkya chongwangpa changle.

³ Chixe kem ang khünaknu to lüt ang tom; chixe kem ang jat-libu thakma apün ang tom.

⁴ Kem ngokya haxtok chixe kem hanpak ang zünle kop, keme mongkünkya chix khünaknue kopkya mongngam mantswon. Selah

⁵ Zang a tsap zaile chix tüntong tankya khato dong. Jowanpa ikhato dong pongma mongmüi to khünaknu nyazong mütle akhongle dong.

⁶ Zang achuakle tsai ngaokox; kem wanghompa achuakle tsai ngaokox!

⁷ Chaxwannu pangnu thakma Zang a wanghom changle; tsai makhange chix achuakkox!

⁸ Zang a chix otsao tüntong ma thungle tüile; chixe jat-libu pangwüi thakma apünle.

⁹ Abraham Zang khünakbu füi tomle jat-libu apünkyabu asox. Pangwüi süpahibu to nüile tsak-zongkya a chix changle; chixe pangnu thakma apünle.