MÜNCHUAK-TSAI 43 - OTSAO BAIBEL (BSI)

Zanda ang Ngokya Owawa Zangjop (Münchuak Tsai-42 othui)

¹ O Zang, ku a chemmün chiawankya changle le ngaifa, üntoxle Zang chilaxle tüikyabue ku ma tsaitox-kaxfele tüikya chak tokya ku kho-awale thomfa; tsetwon-khualop hia ochax khünakbu chak tokya azünfa!

² Nang a ku zia kop pupa; nange ku büthüikoxle dantoxpu? Ojao chingcha chitüikya zanpabu chak to ku büthüikoxle sikngünlanle ngo ang tompu?

³ Nang zangngai hia nang otsingtsing ahüihüi; ibue ku lom naxzun ilaxle nang otsao haxnu Zaion to ku tamchatle naxapüi, nang ngokya Zangshwom-Hom to-a.

⁴ O Zang, ifüima ku nang tö-tsap hato nguiüi; nang a ku mongmüi otong changle. Kue ku waxmai mütle nang achuakle tsai ngaoüi, O Zang, ku Zang.

⁵ Ku ang büthüikoxle ipongpongle mongma? Büthüikoxle ku ang ipongpongle mongthangpu? Kue ku mongong Zang ma thompu, üntoxle kue chix tamchatle achuakpu, ku khosünpa üntoxle ku Zang.