MÜNCHUAK-TSAI 30 - OTSAO BAIBEL (BSI)

Münchong fale Zangjopkya

¹ Jowanpa, kue nang achuakpu, chemthüikoxle nange ku khosünpu, zanpabue ku wanjaile chang angkya chak tokya nange ku kople thompu.

² O Jowanpa, ku Zang, ku to fong angkya lomle kue nang nyakpu, ilaxle nange ku amüile fapu;

³ nange ku zuk-kha chak tokya kople thompu. Ku a amakao süzukya khato leüi khakha changkya, ikoxle nange ku khüzün tamchatle achat.

⁴ Jowanpa achuakle tsai ngaokox, chix to mongong tüikya khünak pangnu! Otsaopa-e chem mokdaopuix texle ataklax, üntoxle chix ang münchong fakox!

⁵ Chix mongtsik a noxta wüi, chix müikya a tsünjangmasule. Zangnak ma mikfi jenle jukoxlax, ikoxlechu ngainop ningle mongmüi hüile.

⁶ Ku a kuimüi-zangmale tüile üntoxle ku füi alüile akaxle, “Ku to chemtuechu lüt ang müntho.”

⁷ Jowanpa, nang a ku zongto müihule; haxnu angkya zanhunuibu lailaile nange ku ziakop. Ikoxlechu chemtue nange ku thoto nang thün khompuix, ku ang Tüle chazale.

⁸ Jowanpa, kue nang to nyakpu; nang ang ku to asunhüile thüipu:

⁹ “Ku mik maxkya ma nang ang olüi chemtüi? Ku zuk-kha to lekya ma nang ang olüi chemtüi? Zidaokya khünakbue nang ang münchong fa tsuak ang chami? Tamchu chithwon nang müikya bama hwome apuk tho ang chami?

¹⁰ Jowanpa, ku kax atatlax, üntoxle ku to chingchalax! Ku to fonglax, Jowanpa!”

¹¹ Nange ku küntsik-mongma mongmüi to shwonkya ang achangdaoa; nange ku mongma laxlaxtoxdaoa üntoxle ku akhople mongmüi apüidaoa.

¹² Idaile ku dang angkya münchang; kue nang achuakle tsai ngaoüi. Jowanpa, nang a ku Zang changle; kue othuithuima münchong fale ngoüi.