MÜNCHUAK-TSAI 3 - OTSAO BAIBEL (BSI)

Fongkya lomle anopningle zangjopkya

¹ Jowanpa, ku ang zanpabu müimama tüile, huanuma ku zan to kakyabu a!

² Hwome ku wanjaile thüi: “Zang-e chix to chifong ang khato.” Selah

³ Ikoxlechu Jowanpa, thama chak tokya ku hale tui ang jento nang a di changle; nange ku ang tho-lün ang tomhüi üntoxle ku mong chatle achen fahüi.

⁴ Ku to fong angkya hanpakma kue Jowanpa nyak, ilaxle chix otsao haxnu makhange chixe ku to lan. Selah

⁵ Ku shui üntoxle jip, üntoxle zang angaile Jowanpae ku kho awale thom.

⁶ Pangnuchi tokhange ku akhople tüikya hajat-hajat zanbu thua ku münza.

⁷ Oman, Jowanpa! Ku khosünle kop-hüi, ku Zang! Nange ku zan pangnu to sikangün kox ilaxle hwom a mix to chakmok janlangle chang angkya zong chitüile toxkox.

⁸ Lütkya a Jowanpa tokhange tix hüipu: chixe chix khünaknu to mohimanle naxchang. Selah