MÜNCHUAK-TSAI 29 - OTSAO BAIBEL (BSI)

Zangchei-zangwat pongma Jowanpa Kaxzing

¹ Jowanpa mün achuakkox, hünzom zangkhoting tokyabu; chix fuazang hia tsak-zong bama achuak kox.

² Jowanpa fuazangkya mün achuak-achen kox; chix ngaikya zuma Otsaopa tunthoma akhuxle changkox.

³ Jowanpa kaxzing a tilo-tinu khato atat ang kop; fuazangkya Zang atsak-adungle, chix zangzing tailaile molo-tinu ding to azingle pao.

⁴ Pangnu to lütle tamchu chongwangpale Jowanpa kaxzing zangle atat ang kop.

⁵ Jowanpa kaxzinge sedarbu afi-adap, Lebanon angkya sedarbu to lünle.

⁶ Lebanon angkya haxnubu chixe maihusa ningle afüt, üntoxle Harmon haxnu a maihupong fütkya ningle afüt.

⁷ Jowanpa kaxzing makhange zangchang ajeple lai.

⁸ Chix kaxzing makhange sak-hax alox ang tom; chixe Kadesh angkya sak-hax alox ang tom.

⁹ Chix Zangshwom-Hom angkya khünak pangnu: “Zang Fuazangle naxchang”, le akhong pongma, Jowanpa kaxzinge zak pünnubu alox üntoxle pünbu angkya pünchak düt ang tom.

¹⁰ Tüle zukya tinubu thakma Jowanpae apün; chixe wanghompa ningle othuithuima apün.

¹¹ Jowanpae chix khünaknu ang janzüi kox üntoxle mongsom füi hwom to mohiman.