MÜNCHUAK-TSAI 23 - OTSAO BAIBEL (BSI)

Jowanpa a Kem Chunnyetpa

¹ Jowanpa a ku chunnyetpa; kue laxsese komle ku ma tüile.

² Fumhingshüikya haxtok ma chixe ku nazak ang tom, üntoxle oe chikaikya tilua hato chixe ku zunle pao.

³ Chixe ku ang janzüi hozün kox. Chixe ku changkya lomnu to zun, ija a chixe tsaokya lailaile chang.

⁴ Ku a süzukya zangnaknu akaile lekoxlechu, Jowanpa, ku a münza, chemthüikoxle nang a ku füi tüile. Chun-nyet kiathox hia pünthom füi nange ku kho-awale.

⁵ Ku zanpabu pangnusae ngün ang kopkya onui ma nange ku hanpakma fongsüt achwon; e-sele tüikya wünpa tuita ningle nange ku ponglekop, üntoxle ku pe a baoxle lyem ngole.

⁶ Nang müikya hia mongkün ku zongto tsünjang masule ngoüile kue awanpu; tsünlwotlwot ma nang hom a ku homkha ang ngoüi.