MÜNCHUAK-TSAI 2 - OTSAO BAIBEL (BSI)

Zang-e Zünle Kopkya Wanghompa

¹ Jat-libue büthüikoxle alün-alox angkya katzua thompuix? Khünaknue muato maxün angkya kam büthüikoxle thapuix?

² Hwom wanghombue alünle ajong, pünpa-chongwangbue Jowanpa zan to ka, chixe zünle thomkya wanghom zongto opüipüi mok.

³ Hwome thüi: “Hwome apün-adakya fang ma kem taxngohax; hwome kem to akumathumle chang ang taxtomhax.”

⁴ Chix ngwotnui zangkangting tokhange Jowanpa-e chemchu chichangkya katzua hwome zingkya ajaole chix nyi.

⁵ Mongtsik ma chixe hwom füi ile chitüi angkya akax ilaxle chix khompua-zadün füi hwom abüt ang tom.

⁶ Chixe thüi: “Zaion, ku otsao haxnu ma, kue ku wanghom thwomdaoa.”

⁷ Wanghompa-e thüi: “Jowanpae chem akax daopuix ija kue apuküi. Chixe ku ang thüi: ‘Nang a kusa changle; anyix ku hünpa ang achangpu.

⁸ Julax, kue nang ang chaxwan pangwüi faüi; chaxwannu jaojao nangkux ang changüi.

⁹ Nange ibu jantom füi thuple akhixüi; nange ibu tikkux akhixkya ningle akhixle awütüi.’”

¹⁰ Hünzom wanghombu, athax ija kaxkhün apale koplax; ija olom awanle koplax, hünzom chaxwan apünkyabue:

¹¹ Zakya füi Jowanpa thothalax; abünlax

¹² ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.