MÜNCHUAK-TSAI 15 - OTSAO BAIBEL (BSI)

Zang-e Chem Lompuix

¹ Jowanpa, nang Zangshwom-Hom to nop ang owae thoüi? Zaion, nang otsao haxnu ma Zang owae shwomüi?

² Opange pangnu lom ma Zang kax ma laxle tüipuix üntoxle othuithuima changkya mwot mokle tüipuix, opang zangwün sule tamchu mongkoxle tüipuix,

³ üntoxle owae mix to kaxma chithüipuix. Hwome ma zuikhui zongto thaikya chimok chichangthüiba tomzi bama khualople chichang.

⁴ Zang-e chilaxle awütkyabu to hwome e-sekya chitüi, ikoxle opange Jowanpa kax ma laxle tüipuix ibu achuak-achen. Ija mok ang otha tüle ngamkoxlechu Hwome tsaodaokya othuithuima hwome mokle.

⁵ Hwome olüi chilom homle thashe koxle üntoxle chemngax chitikkyabu füi apüile tüikyabu sule le aho ang zuizun kox ang müntho. Owapange iningkya mwot moklaxüihex othuithuima kho azangle ngoüi.