MÜNCHUAK-TSAI 148 - OTSAO BAIBEL (BSI)Zang Achuak ang Zangfang Sekya 1 Jowanpa achuak kox! Jowanpa achuak kox zangkangting tokhange, hünzom zangkho to ngokyabue. 2 Chix achuak kox, chix kaxtaimixbu pangnusae, zangkangting tokya chix hilua-naomüibue. 3 Chix achuak kox, lyetnu hia zanghanbue; chix achuak kox, nyanle ngokya lyettsibue. 4 Chix achuak kox, zangkhotingbue, ilaxle zangding thak to tüikya tibue. 5 Hwom pangnusae Jowanpa mün achuakle chang ang tomkox! Chixe kaxtom kox, üntoxle ibu zingle tsuak; 6 chix kaxtom makhange ibu a othuithui hanpak ang onui ma amongle thom, ilaxle hwome kax ma chilaxle chichang tsuak. 7 Chaxwannu tokhange Jowanpa achuak-achen kox, tinu mongto tüikya müinu-nyaxpabu hia molo-tinu mongto tüikya pangnusae; 8 zangchangjep hia jun-long, haxnukho tokya jun hia zangfwombue, chix kax ma laxle tüikya zangwinbue. 9 Haxhua hia haxnubue chix achuak kox, ozik füikya pünbu hia faobue; 10 tsomkya hia faomüibu pangnusae, alyangle ahamkyabu hia osabue. 11 Wanghombu hia khünaknu pangnusae chix achuak-achen kox, wangcha-wanghombu hia apün-awangkyabu pangnusae wüi; 12 naocha hia naosünbue, zunu-zupa hia naosombue chuwüi. 13 Hwom pangnusae wüi Jowanpa mün achuak-achenle changkox! Chix mün mamabu pangnusa thakma achongkya changle; chix fuazangkya a chaxwan hia zangkho pangnu thak to tüile. 14 Chixe chix jat-li tsak-zong ang tom, chix khünaknue chix achuak angkya hanpakma: chixe tüle mongkünkya Israel, chix khünaknue a. Jowanpa achuak kox! |
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
Bible Society of India