MÜNCHUAK-TSAI 141 - OTSAO BAIBEL (BSI)Hansong Zangjop 1 Jowanpa, kue nang nyakpu; athax ku to fonghüi! Kue nang to nyakle changpongma ku to apahüi. 2 Ku zangjop a ongan Müikya zo ningle pongle kop-hüi, nwonle thomkya ku chak a tö tuita ningle pongle kop-hüi. 3 Jowanpa, ku tunpün kahak nyele thom hüi. 4 Othai mwot moksele tsukya chak tokya tamchu chichangchizangle tüikyabu füi ochax khünakbu khato hak angkya chak tokya ku abax thom hüi. Kue otuechu hwom fongkhatbu ma womle chang ang taxtom. 5 Müikya khünakbue chingcha tokhange ku ang sikangün tamchu sa-male chang koxlax, ikoxlechu ochax khünakbue achuak-achenle changkya kue otuechu pongle münlax, chemthüikoxle hwome chichangchizangle mokkya ochax mwotbu hanpakma kue jento zangjople ngopu. 6 Chemtue hwom lompabu zak-kho tokhange tswonle awütpuix, hwom zangwün changkya changkox-ale khünaknue thüiüi. 7 Afi laxle tsatle akhix daokya pünfun ningle, hwom za-tuabu a zuk-kha kax ma chiakle tüile. 8 Ikoxlechu ku Khüthak Jowanpa, kue nang to ongle wüi ngopu. Nange ziakople thom angkya kue lompu; ku zile pao ang taxtom! 9 Ku thüntho ma hwome kam thale thomkya chak tokya ku sünle thom hüi, ibu chichang-chizangkya khünakbu zukambu chak tokya a. 10 Ku a chemchu chithüile akaile lele changpongma chichang-chizangkya khünakbu hwom kambu ma alüile naxmankox. |
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
Bible Society of India