MÜNCHUAK-TSAI 138 - OTSAO BAIBEL (BSI)

Münchong Fakya Zangjop

¹ Ku mongkha makhange abakle kue nang ang münchong fapu, Jowanpa; baozangbu tuntho to kue nang achuakle tsai ngaopu.

² Kue nang Zangshwom-Hom chitho thün ahopu, akhuxpu, üntoxle nang mün achuak-achenpu; ija a chizakkya nang mongkün hia chialekya nang mongong khoma, chemthüikoxle nang mün hia nang kaxtombu a akhokya changle le nange ahodaoa.

³ Kue nang nyak pongma nange ku to lanpu; nang janzüi pangnusa füi nange ku ang janzüi fapu.

⁴ Chaxwannu angkya wanghombu pangnusae wüi nang achuakle changüi, Jowanpa, chemthüikoxle hwome nang kaxtsaobu atatle laxdaoa.

⁵ Nange chem mokdaolaxpuix ija bama anaolechu nang fuazang bama hwome tsai ngaoüi.

⁶ Nang a thak to tüle tsuale tüiünbachu, nange puipa-naipa hwom to hume, ilaxle ongam füikyabu nang miksho angkya azwonle azang ang chitho.

⁷ Chemtue ku to sikngüne akhop-khakle changpuix, nange ku kho sünle thom. Mongtsik ashukkya ku zanpabu füi nang alün ilaxle nang tsak-zong füi ku sünle kop.

⁸ Nange tsaodaokya pangwüi nange mok angkya changle; Jowanpa, nang mongkün ma oshuk müntüi. Nange owang wangdaokya mwot ashuk-hüi.