MÜNCHUAK-TSAI 137 - OTSAO BAIBEL (BSI)Zanda ang Ngokya Israel Nok Sopkya 1 Babilon shuakax ma kwom thung; Zaion texle atak laxle ikhato kwom sop. 2 Ozui angkya wilo pün ma kwome kwom thuaput-waxmaibu bün. 3 Kwom kopkyabue kwom ang tsai ngao ang tsan; hwome kwom ang hwom mong amüi angkya akax: “Kwome atat ang Zaion bama tsai tuita ngaohu.” 4 Haxhya nok to kwome chemle Jowanpa ang tsai tuita ngaothoüi? 5 Kue nang jangalak thüining, O Jerusalem; kue tamchatle thuaput-waxmai müt ang chimüile changkox! 6 Kue nang texle chiatak thüiningle, ku mongmüi akhokya tuita ang kue nang bama chiajang thüiningle, kue tamchatle tsai ngao ang chithole naxchang! 7 Jerusalem kopkya nyix Edom noke chemle mokpuix, ija texle ataklax, O Jowanpa. “Ija pünle atsundao!”, le hwome akax ngokya texle ataklax. 8 Babilon, nang a olithule amütdaoüi. Nange kwom to chemle mokdaopuix: owae nang naosombu laxpuix 9 ilaxle ibu füi long to futle changpuix, Nang ang thathomle ibu achatle koxkyabu mohiman. |
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
Bible Society of India