MÜNCHUAK-TSAI 130 - OTSAO BAIBEL (BSI)

Fong angkya Lomle Zangjopkya

¹ Ku künmax-mongshan azukya tokhange kue nang sepu, O Jowanpa.

² Ku sopkya apahüi, O Jowanpa; kue asunhüile nyakkya zing atat-hüi!

³ Nange kwom ochaxbu akiakle thomkoxle, thaikya chitüile azangtsuak angkya mix owa bangüi?

⁴ Kwom nang thua zale ajong angkya hanpakma nange kwom ang thailak fa.

⁵ Jowanpae fong angkya hanpakma kue mongtsule tanle nui, ilaxle kue chix kax to mongong.

⁶ Kue Jowanpa tanle nui nyetmixbue huazung zangngai sungkya: hwome sedün-zangngai sungkya füi ngaxchu sütsexle.

⁷ Israel, Jowanpa to mongong tüikox, chemthüikoxle chix mongkün a ojem chifünkya changle ilaxle chix a othuithuima khosün fa ang mongtsule ngole.

⁸ Chixe chix khünaknu Israel hwom ochax pangnu tokya khosünüi.