MÜNCHUAK-TSAI 13 - OTSAO BAIBEL (BSI)

Ofong-otsox Lomle Zangjopkya

¹ Nange ku chemtukux alakle thomüi, Jowanpa? Othuithuima hia? Ku thoto nang chemtukux azwonle ngoüi?

² Kue thama chemtukuxle adule hüiüi? Zangnak zangngaile ku mongkha mongtsike awang laxle chemtukuxle ngoüi? Ku zanpabue ku to chemtukuxle lütle ngo ang tomüi?

³ Ku to hulax, O Jowanpa ku Zang, üntoxle ku kax to lanhüi. Ku janzüi chatle achat hüi; ku zi ang taxtom.

⁴ “Keme chix to lütdaoa”, le ku zanpabue akax ang taxtom. Ku athomle thaikya to hwom ngadongle chang ang taxtom.

⁵ Ojem chifünkya nang mongkün to kue mongongpu; nange ku khosün angkya daile ku ang mongmüipu.

⁶ Kue nang achuakle tsai ngaoüi, O Jowanpa, chemthüikoxle nang a ku zongto tüle müile.