MÜNCHUAK-TSAI 127 - OTSAO BAIBEL (BSI)

Zang Müikya Achuak-achenkya

¹ Jowanpa hom chizing thüikoxle, homzai mixbu mwot a oba to; tingnu a Jowanpa nyele chingo thüikoxle, ikhama nyetmixbue ziakople thomkya a oba to.

² Kaile zo ilaxle shenle jiple ozün ma ngo angkya bama, azongle mwot mokle ngokya a obato. Chemthüikoxle chixe mongkünkyabu ang Jowanpa, hwom jiple ngopongma koxle.

³ Naosombu a Jowanpa tokhange hingho tuita changle; hwom a otsigtsing mohiman changle.

⁴ Khünak tuita ang chix naosün pongma sasün hwom tüikya a süpahibu chak angkya sanhapbu ningle changpu. Chix zanpabu füi kaxfün nui ma apongkya zuma chix to otuechu münlüt.

⁵ Iningkya sanjunbu füikya khünak a mongmüi mix changpu. Chix to otuechu münlütüi chixe chix zanpabu kaxfün chitong ma apong pongmachu a.