MÜNCHUAK-TSAI 126 - OTSAO BAIBEL (BSI)

Khangkho-zangngai hanpakma Zangjopkya

¹ Chemtue Jowanpa kem Jerusalem to chatle apüipuix, ija a wünmang tuita ningle changkya!

² Kem chemtukux nyipuix, kem chemtukux pwonlatungle tsai ngaopuix! Ipongma mixnokbue kem jat-li bama zangwünle thüi: “Hwom hanpakma Jowanpa chongkya mokdaoa!”

³ Otsingtomtata ma chixe kem bama chongkya mwot mokdaoa; kem ang chemtukux mongmüi tüikyadai!

⁴ Jowanpa kem tamchatle ahak-aluale chang ang tom, chemle zangwate tamchatle shuazan hato ti apüile fapuix ija lailaile.

⁵ Opange mikfi-tunjile saxtsang saipuix, hwome mongmüi atungle saxzüt ang kopüi!

⁶ Opange sopngale sai angkya saxtsang laxlaxle kapuix, hwome saxzüt ang kopkya zuma, tüle mongmüi-tungle wün wangüi.