MÜNCHUAK-TSAI 125 - OTSAO BAIBEL (BSI)

Zang Khünaknu Wintuk-hantha le Thomkya

¹ Jowanpa to mongong tüikyabu a otuechu chiamok tamchu apao ang chithokya Zaion haxnu ningle changpu.

² Chemle Jerusalem a haxnubue akhoplaxle tüipuix, ija lailaile othuithuima chix khünakbu a Jowanpa akhople ziakop thomle.

³ Otsao khünakbu haxtok to chichang-chizangkya khünakbue othuithuima apünle münngo; hwome ile apünle jangthomba, otsao khünakbu chuwüi chichangchizangle paoüi.

⁴ Opange müile mokpuix tamchu nang kaxtombu kax ma laxle tüipuix, Jowanpa, ibu to nange müikya mokle koxhüi.

⁵ Ikoxlechu chemtue nange ochax khünakbu to sikangünle changpuix, ipongma nang lomtang danle toxkyabu to chuwüi sikangünle changkox. Israel nok füi tumüi-lomkhaokya naxtüi!