MÜNCHUAK-TSAI 124 - OTSAO BAIBEL (BSI)

Zang a chix Khünaknu to Wintuk-hanthakya Mix changle

¹ Jowanpa kem chima chitüi thüikoxle kem chemle changse? Lanhu, O Israel!

² “Zanpabue kem to single changpongma Jowanpa kemchi ma sele chitüi asuba

³ hwom mongtsik-tsik ma, hwome kem ozün ma alwomle jokdaose;

⁴ ipongma kem tichene chwotle paodaose, tinue kem to chwople changdaose,

⁵ tüle shixkya tinu-tichape kem khangle zi ang tomdaose.”

⁶ Owae zanpabu chak to max ang chitomle kem kho-awa koppuix ija Jowanpa ang keme münchong fahax.

⁷ O-tsünmixbu chak tokya o azangle paokya ningle; kem aman ang thakya kam ama laxle kem danle apao!

⁸ Kem hato ofong-otsox a ding-hi-hax zingkya Jowanpa tokhange tix hüipu.