MÜNCHUAK-TSAI 123 - OTSAO BAIBEL (BSI)

Chingcha bama Zangjop

¹ Jowanpa, kue nang to angakle hupu, nange apünle ngokya zangkangting chito a.

² Chemle dapa tuitae ma hopupa to ongpuix, chemle dacha tuita ma hopunu to ongpuix, ija lailaile nange kwom to chingchale machang tanto kwome nang to hule ngoüi, O Jowanpa, kwom Zang.

³ Kwom to chingcha hüi Jowanpa, kwom to chingcha hüi; kwom to mongtsik-tsik ma sikngün apong ang tomle hüidaoa.

⁴ Hakpabue okuilole kwom wanjaile hüidao ilaxle ongam füi zothupkyabue mongtex ma aza-anale hüidaoa.