MÜNCHUAK-TSAI 122 - OTSAO BAIBEL (BSI)

Jerusalem Achuakkya

¹ “Jowanpa hom to donghax”, le hwome ku füi akax pongma, ku ang mongmüikya.

² Ilaxle athax kwom ikhama, Jerusalem zünkaibu omong ma ajongle tüile!

³ Jerusalem a tuita osün müile tamchu wonmüi-samale chatle zingle amüi thomkya tingnu changle.

⁴ Chix kaxtom ma chemle tüipuix, ija ningle Jowanpa to münchong fa ang Israel nok nguikya tingnu changle.

⁵ Ikhama Israel wanghombu hwom khünaknu kaxfün fa ang ajongle.

⁶ Nang to mongkünkyabu ahak-aluale naxchang; nang katuk mong ma tumüi-lomkhaokya naxtüi,

⁷ ilaxle nang wanghom homkha ma chaza chemchu chitüile wintuk-hanthakya tüihüile Jerusalem tumüi-lomkhao hanpakma zangjop kox.

⁸ Ku haxnu-homsa hia zuikhuibu hanpakma kue Jerusalem ang thüipu: “Nang ma tumüi-lomkhaokya tüihüi!”

⁹ Jowanpa kem Zang hanpakmale kue nang ahak-aluale tüi angkya hanpakma zangjoppu.