MÜNCHUAK-TSAI 121 - OTSAO BAIBEL (BSI)

Jowanpa kem Khosünpa

¹ Kue haxnubu to hu; ku to fongkya ojong tokhange hüiüi?

² Ku to fongkya a Jowanpa tokhange hüiüi; chix a ding-hi-hax zingkya mix changle.

³ Chixe nang nguak ang müntomüi; nang kho-awapa a mik azangle tüile.

⁴ Israel nok kho-awapa chemtuechu mik anguxle chichangba jiple mün-ngo.

⁵ Jowanpa nang to nyele ngoüi; nang kho-awa angkya hanpakma chix a nang zui ma ngole.

⁶ Anyixningle zanghane nang to sik-mün-angün, zangnak ma lyetnue nang to chem münthüi.

⁷ Thama pangnu chak tokya nang Jowanpa kho-awale kopüi; chixe nang to chemechu nun-mao ang chitomle tswonthomüi.

⁸ Athaxchu üntoxle jento nang aham-atüikya lomtang pangnu to chixe nang wintuk-hanthale thomüi.