MÜNCHUAK-TSAI 114 - OTSAO BAIBEL (BSI)

Kaitox Pangpwon Tsai

¹ Chemtue Israel khünakbue Ijip chaxwan danle toxpuix, chemtue Jakop sasün hwome ija mixnok haxtok danle toxpuix,

² Judah a Jowanpa otsao khünakbu ang achang, Israel khünakbu a chix kux ang achang.

³ Khikya Molo-Tinue hulaxle zikle pao; Jordan shuanue jenle ngokya azak.

⁴ Zwonbu fütpupule haxnubu füt; chun hosabu lailaile haxhuabu füt.

⁵ Molo-Tinu, nang fütle pao angkya chem changpu? Ilaxle nang Jordan, nange jenle ngokya büthüikoxle thwon?

⁶ Haxnubu, hünzom büthüikoxle zwonbu lailaile füt? Hünzom haxhuabu, hünzom büthüikoxle chun hosabu lailaile füt?

⁷ Jowanpa nguikya to chaxwannu alox, Jakop Zang nguile tüikya thoto.

⁸ Longnubu tüküi ang achang ilaxle longzakzyenbu shuasa jajen ang achangkya a chix chang koxpu.