MÜNCHUAK-TSAI 113 - OTSAO BAIBEL (BSI)

Jowanpa Müikya Achuakle

¹ Jowanpa achuak kox!

² Athax üntoxle othuithuima, chix mün achuak-achenle naxchang.

³ Handün makhange hannop kople Jowanpa mün achuakle changkox!

⁴ Jowanpa jat-libu pangwüi apünle; chix fuazangkya a zangkho thak to tüile.

⁵ Jowanpa kem Zang lailaikya owachu müntüi. Chix a pangnusa füi tsuale thak to ngole,

⁶ Ikoxlechu zangding hia chaxwannu to hu ang chix akule jule.

⁷ Haxbu khatokya chixe tuimix-nuakmixbu nwonle; hwom künmax-mongshanle ngokya chifün tokya chixe chitüi-chinang khünakbu nwonle

⁸ ilaxle hwom wanghom su-sabu füi zuikhui ang achangle, chix khünanknu wanghom su-sabu füi a.

⁹ Chixe su-sa chitüikya zomnuchabu hwom hom ma achuak-achenle changle; chixe she ang su-sabu koxlaxle mong amüile. Jowanpa achuak kox!