MÜNCHUAK-TSAI 111 - OTSAO BAIBEL (BSI)

Jowanpa Achuakle

¹ Jowanpa achuak kox! Chix khünaknu tusox ma ku mong makhange abakle Jowanpa ang münchong faüi.

² Jowanpa mokkya mwotbu chemtukuxkya ohünotün changpuix! Chix füi mongmüile ngokyabu pangnue ibu awanle kop ang azong.

³ Chix mwot pangnu wüi chathua zakya hia achuak-achenkyae awangle tüile; chix otsao a oshuk chitüikya changle.

⁴ Jowanpa chix ohünotün mwotbu keme alakle asam ang müntom;

⁵ Chix chathua zale changkyabu ang chixe osüt-oling koxle; chixe chemtuechu chix Tsaotsüt münalak.

⁶ Hwom ang mix-haxtok koxlaxle chixe chix khünaknu hato ma tsak-zong ahole changdaoa.

⁷ Chixe mokkya mwotlom pangnu ma chixe chialekya mongong füi mokle; chix kaxtombu pangnusa wüi chalomlukyakya wüi.

⁸ Ibu a othuithuima otsünlole ngole; ibu a pangwüi otsingtsing hia otsao ma koxkya changle.

⁹ Chixe chix khünaknu khangkho angaile dan ilaxle hwom füi oshuk chitüikya longzüt-kax füi zing. Chix a otsao tamchu taitax changle!

¹⁰ Jepa tuita ang achang angkya olom a Jowanpa chathua za angkya changle; chix kaxtombu kax ma laxle tüikyabu ang chixe tsaothakya kaxfün fale. Chix a othuithuima achuak angkya wüi changle.