MÜNCHUAK-TSAI 11 - OTSAO BAIBEL (BSI)

Jowanpa to Mongong-chalomkya

¹ Sün angkya hanpakma kue Jowanpa to ongpu. “Osa lailaile haxnu to pile paoün,

² chemthüikoxle chichang-chizangkya khünakbue hwom hapnubu dokle alai üntoxle sanbu füi, zangnak fang tokhange zile müikya khünakbu to hap ang.

³ Pangnu ofün amale changkya füima otsao khünake moktsuak angkya a chemtüi?”

⁴ Jowanpa a chix Zangshwom-Hom ma tüile; chix ang chix tüntong zangkangting to tüile. Chixe khünaknu pangnu khato nyele ngole ilaxle hwome chempang mokle ngopuix awanle.

⁵ Chixe chimüikya hia müikya khünak pangnu to tomwüi wanle anole; wanlom fang ma chingo tsuakkyabu to chixe mong makhange jao anule.

⁶ Ochax khünakbu ding to adütle chixe wün füikya wündix üntoxle chuale ngokya khat; tamchu zokle ashunkya zangwin ibu füi chixe hwom sikangünle.

⁷ Jowanpa a otsao üntoxle müikya mwot to mongkünle; ibu mwotmüi mokkyabu chix womle tüikya khama ngoüi.