MÜNCHUAK-TSAI 1 - OTSAO BAIBEL (BSI)

PONGWANG LÜKYA OTHOM (Mts 1-41) Otsingtsing Mongmüi

¹ Ochax khünakbue zün-saikya kax ma chilax, Ochax khünakbu thüi chiano, Zang zongto chemhwon chithakyabu füito azuile chichang; otsingtsing mongmüi mixbu a hwom changle.

² Hwome Jowanpa Wanlom tole changkya ma, üntoxle ja-nop to ija otua lomle changkya ma hwome mongmüi kop.

³ Ibu a ziaktue chithaile oziak ziak, pünchak otuechu jumle chidütle shuasa zui ma nyemkya pünbu lailai. Hwome mokkya pangnu ma hwom ang tho-lünkya tüi.

⁴ Ikoxlechu ochax khünakbua ojao ibu ningle chichang; hwom a zangwin to jeple paokya tsaxsa lailai.

⁵ Ochax khünakbu a Zang-e thajao ang tomüi, ilaxle hwom a Zang khünakbu füi atsaile thomüi.

⁶ Otsao khünakbu a Jowanpae kho-awale thomle, ikoxlechu chichang-chizangkya mix a mikmüt lom ma tüile.