Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

MATHI 27 - OTSAO BAIBEL (BSI)


Jisu Pilat hato Paokya
( Mrk 15.1 ; Luk 23.1-2 ; Jhn 18.28-32 )

1 Anopning swome nguakhobu hia Jehudi nok lompabu komle athütlaxle Jisu lang angkya olom lom.

2 Hwome chix to janbüi füi kha, ilaxle paole Gowarnor Pilat ang kox.


Juda Iskariot Zikya
( Mwt 1.18-19 )

3 Jisu khohangkya mixsün Juda-e chix mik amüt angkya katzua tsuak dao a le ngün; chix ang mong alüix ilaxle ngun fa tsübün koplaxle nguakhobu hia Jehudi nok lompabu hato ngui,

4 ilaxle chixe thüi: “Thaikya chitüikya mix khohang laxle lang ang koxkya bama kue ochax lyendaoa.” Hwome lan: “Kwome ija paktik ngo angkya chem mwot tüi? Ija a nang mwot!”

5 Juda-e Zangshwom-Hom ma ngun tswonle awüt toxlaxle ikha angkya laile pao; ofüima chix laile pao üntoxle fünle zi.

6 Nguapa akhokyabue ija ngun tswon ilaxle thüi: “Ija a aji ngun changle idaile Zangshwom-Hom ngun khato thom angkya a kem wanlom ma achaxkya ang changüi.”

7 Hwome zangwün azut tsuak füima ija ngun füi, püntüibu zukting ang lax ang tikjaomix hax shak.

8 Ija khoma ija haxtok ang anyix ma lün le aji haxtok le nyakle.

9 “Hwome ngun fa tsübün kop (Israel khünaknue chix mün to fahax le fünkya otha).

10 Üntoxle Zange ku füi akaxkya ningle ija ngun a tikjaomix haxtok shak ang lax”, le Jeremia-e ajekya kax kotok to ngaile lai.


Pitar-e Jisu ma Kax Atüikya
( Mrk 15.2-5 ; Luk 23.3-5 ; Jhn 18.33-38 )

11 Jisu a Roman Gowarnor pomtho ma ajong. Chixe atüi: “Nang Jehudi nok wanghom hia?” Jisu-e lan: “Nange akaxdaoa!”

12 Nguakhobu hia mixpa tüichongbue atüikya kax to chixe chemlechu chilan.

13 Ija khoma Pitar-e thüi: “Hwome nang bama nang thaikyabu kaxkhi fale akaxkya nange atatchami?”

14 Ikoxle Jisu-e kaxfa tuita ngaxchu lan ang chitsukya ngünlaxle Gowarnor abüt.


Jisu Lang angkya Katzua Tsuakkya
( Mrk 15.6-15 ; Luk 23.13-25 ; Jhn 18.39—19.6 )

15 Kaitox Pangpwon foto, kople thomkya khünak tuita, noknue jukya mix danle kox angkya Roman Gowarnor wanlom tüikya.

16 Ija pongma kople thomkya khama noke awankya mixhuak tuita Jisu Barabba le amünkya mixsün tüikya.

17 Idaile noknu asoxkya füima Pitar-e hwom ma atüi: “Jisu Barabba hia Jisu Khrista nyi khama kue opupu naxdan le hünzome texpu?”

18 Jehudi nok pünpa-chongwangbue Jisu Khrista a chix ang owüiole koxdaoa le tsing; chemthüikoxle hwome chix to miktsak.

19 Pilat kaxfün tüntong ma thungle tüiponge, chix kakonue chix hato kaxho tuita ahüi: “Ija otsao khünak to nange chemlechu taxmok; chemthüikoxle awün wünmang chito chix bama ku ang tüle sikngün daoa.”

20 Nguakhobu hia mixpa tüichongbue, Barabba danhüile thüi angkya ikoxle Jisu a lang hüile thüi angkya khünaknu angat.

21 Ikoxlechu Gowarnor-e atüi: “Hünzom hanpakma kue ija nyi khama opupu naxdan le texpu?” Hwome lan: “Barabba wüi!”

22 Pitar-e atüi: “Jangchangba Jisu Khrista le nyakkya khünak füi kue chem moküi?” Hwom pangnu akhong: “Chix a pünsak ma takkox!”

23 Ikoxlechu Pitar-e atüi: “Chixe chem zia ama daopu?” Ifüima hwome tüle azaxle akhong: “Chix pünsak ma takkox!”

24 Pitar-e chix kax chem angchu chilaxle noknu wuk mix huanuma adün angkya changlaxle le ngünkya zuma, chixe ti muale lax ilaxle chak sole thüi: “Ija khünak zikya bama ku thaikya müntüi hexo! Ija a hünzome moklaxpu!”

25 Noknue lan: “Chix zikya khoma sikngün kwom hia kwom susabu hato naxngui kox!”

26 Ifüima Pitar-e hwom ang Barabba danle kox. Chixe Jisu to zu füi fit ang tom ilaxle pünsak ma takle lang angkya owüiole kox.


Süpahibue Jisu Chanyikya
( Mrk 15.16-20 ; Jhn 19.2-3 )

27 Ifüima Pilat süpahibue Jisu a Gowarnor hom to pao; chix thüntho ma akanle noknu afox.

28 Hwome chix nyi sik ilaxle nyikhike awunle kox.

29 Hwome kongbüi-zu akwon laxle zingkya hux khüsün chix khang ma asünle kox. Chix tsaxchi chak ma kaithox atwonle kox ilaxle chix pomthochi ma hüilaxle hwome ahuxle chix wanjai. Hwome thüi: “Jehudi nok wanghompa! Nang tsünlo le ngohüi!”

30 Hwome chix to thuak füi thuak, pünthom füi chix khang to chiet.

31 Ile hwome chix wanjaikya ashuk füima nyikhik siklaxle chatle chix nyi wüi awunle kox üntoxle pünsak ma takle lang angkya hanpakma chix pao.


Jisu a Pünsak ma Tak
( Mrk 15.21-32 ; Luk 23.26-43 ; Jhn 19.17-27 )

32 Hwom laile paopongma Sereni nok tokya mixsün tuita Simon le amünkya mix apong. Süpahibue Jisu pünsak pai angkya chix atsang.

33 Ilaxle hwom Golgotha (khangza hua) le nyakkya haxhua to ngui.

34 Ikhato hwome chix ang pünsi ti füi awutlaxle ling ang kox; ikoxle chixe chaile ano ilaxle chixe chiling.

35 Hwome chix pünsak ma tak; nantak laxle chix nyiza hwom bama ahanle lax.

36 Ilaxle hwom ikhama chix to hule ngo.

37 Chix khangkho ma hwome chix ajaokya kax IJA A JEHUDI NOK WANGHOM JESU le zalaxle apütle tox.

38 Ijama chichang-chizangle tüikya mixhuak anyi, tuita a chix tsaxchi ma tuita a chix nongchi male tak.

39 Le-zyenüi khünaknue Jisu ajao le akhuxle aho;

40 ilaxle thüi: “Nange Zangshwom-Hom pünlaxle nyix azom mong ma wüi zingtsuak angkya münchang hia? Nang Zang Hosa jangchangba pünsak angkya julax ilaxle ma kho alüile sünlax!”

41 Ija lailaile wanlom nwotmixbu hia nguakhobu tamchu mixpa tüichongbue chix wanjaile akax:

42 “Chixe mik khosün ang tsuakle ikoxle ma khosün ang a müntho! Chix Israel nok wanghom münchang kox hia? Athax ile pünsak angkya jangju thüiningle keme chix to ongse!

43 Chixe Zang to ongle; chix ma Zang jangtüi thüiningle chixe naxazün koxa; chemthüikoxle chixe ma Zang Hosa changpule akaxle.”

44 Chix füi tomle takkya chichang-chizangkya mixsün nyie ngaxchu wüi ilailaile chix wanjai.


Jisu Zikya
( Mrk 15.33-41 ; Luk 23.44-49 ; Jhn 19.28-30 )

45 Tungto shene khonta azom zangfang pangnu khato haxshix zangnak.

46 Azom baji bato Jisu akhongle sop: Eloi, Eloi, Lema Sabakthani? Ija a: Ku Zang, Ku Zang, nange ku chem ang dantoxpu? le thüikya kax.

47 Ikhama ajongle ngokya züita khünake chix akhongkya zing atatlaxle thüi: “Chixe Elija nyak ngole!”

48 Hwom kha angkya tuita ziklaxle jali za apüi, ija jusik khato som, ilaxle kiatua tun ma la üntoxle chix ang aling ang azong.

49 Ikoxle züizüie thüi: “Taxmok, chix khosün ang Elija hüi angcha ang shonghuhax!”

50 Anaolechu wüi Jisu akhongle tamsop. Ija füima a chix zak shu.

51 Ipongkhae Zangshwom-Hom atsyen le thomkya nyikhik okho tokhange chitong kople tanti makhange anyi ang achangle kyetle pao. Chaxwannu tüle sile alox ilaxle longbu file pao.

52 Zuk dap laxle ziünkya otsao khünakbu huanuma azangle zo.

53 Hwome zuk kha danle tox ilaxle chix chatle zokya füima hwom Otsao Tingnu to ngui, ikhato khünaknue hwom ngün.

54 Süpahi akhokya hia chix füi tomle Jisu nyele ngokya mama süpahibue bütix sikya hia idule changkyabu ngünlaxle abanlaxle thüi: “Chix a otsingtsing ma Zang Hosa wüi changdaoa!”

55 Galili tokhange Jisu füito azuile hüilaxle chix to fongle hüikya shekobu opange tsailo tokhange hule ngo, hwomchu wüi ikhato asukya.

56 Hwom khama Meri Magdalen, Jakop hia Jusep nyi honu Meri tamchu Zebedi sasün hwom tamchu honu le ikhama tüikya.


Jisu Zukya
( Mrk 15.42-47 ; Luk 23.50-56 ; Jhn 19.38-42 )

57 Han asong füima, saxpu luawang tuita Arimathia nok tokya ngui; chix mün Jusep changkya, ilaxle chixchu wüi Jisu füizuimix khama tuita changkya.

58 Chix Pilat ngokya khato ngui ilaxle chix ma Jisu mang jule lax. Pitar-e Jisu mang Jusep ang kox angkya kaxkox.

59 Idaile Jusep-e ija ajo ilaxle nyidax hozün füi lop;

60 ilaxle chixe chwon-chwonle long thole alaikya chix zukting ma ija dan. Ifüima longnu chongkya füi ija zuk ka hakle toxlaxle chix pao.

61 Meri Magdalen hia mama Meri hwom zuk chito hule ikhama ajongle tüikya.


Zuk Nye ang Tomkya

62 Ija füinyix wüi nguakhobu hia farisibu Pilat füi apong.

63 Hwome thüi: “Wanghom, kwome mong ma thomle, ija khualop mixe chix mazi tanto, chix zi füima nyix azom lekya to chatle azangle zo angkya changle, le akaxkya changpu!

64 Zuk to nguilaxle chix wangshembue chix mang ahuxle paolaxle khünaknu hama ‘Chix pi anaole zoüna’ le jang apuk thüikoxle chimüi angkya daile hanpak nyix azom kople kwome ija zuk nye ang koxhüi; chemthüikoxle ami pongwang ma dyen daokya füi izuma dyenkya wüi sümakya ang achang angkya changle.”

65 Pitar-e thüi: “Nyetmix laxlax ilaxle zuk müile nyelax.”

66 Ifüima hwom pao ilaxle zuk ka hakkya long ma münwan tox ilaxle nyet mix toxle zuk sün angkya mwot mok.

Wancho Naga Bible - OTSAO BAIBEL

Copyright © 2012 by The Bible Society of India

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ