MALAKI 2 - OTSAO BAIBEL (BSI)

¹ Jowanpa Khüthak Zang-e zompu-zangpabu ang thüi: “Ija kaxtom a hünzom hanpak changpu:

² Hünzome chem mokpuix ija makhange hünzome ku achuak-achenle chang angkya changpu. Hünzome kue akaxkya to chiapa jangthüiba, kue hünzom hato othuak-ozom ngui ang tomüi. Hünzom juafong angkya hanpakma kopkya jalibu to kue thuakzomle changüi. Changle, hünzome ku kax ma khünzule chilaxkya khoma kue hwom to thuakzomle changdaoa.

³ Kue nang su-sa hwom to sikangünüi ilaxle hünzom thün a hünzome tö koxkya müi odix ma thünzutle changüi--ilaxle hünzom a müidixbu athünkya khato alaiüi.

⁴ Ifüima hünzome, kue ija kaxtom hünzom ang koxdaokya awanle laxüi, ile zompu-zangpabu hia Liwi hwom füikya ku Tsaotsüt chiamale thomüi.

⁵ “Ku Tsaotsüt ma kue hwom füi, hwome ku achuakle chang angkya hanpakma, kue oja hwom ang koxpuix, ija müimüi-zangngaile ngokya khüzün koxüile tsaopu.

⁶ Hwome oja supuix ija anopu, oja chisupuix ija chianopu. Hwom ku füi notom-wonmüi le ngopu; hwome sukya mwot hwome mokkya tata chichangle, hwome mix ang chuwüi ochax lyenle ngokya zak angkya to asunpu.

⁷ Otsingtsing Zang hwon-je anwot-anole kox angkya a zompu-zangpabu mwot changle. Ku mongtex tsingle lax angkya hanpakma khünaknu a hwom hato apao angkya changpu, chemthüikoxle hwom a Jowanpa Khüthak Zang kaxho mixbu changle.

⁸ “‘Ikoxle athax hünzom zompu-zangpabu a sukya lomtang angkya cheile paopu. Hünzom hwon-nwot tokhange khünaknue huanuma ochax mok ang tompu. Kue hünzom füi Tsaotsüt laxkya hünzome amadaoa.

⁹ Hünzom ku mongtex ma kax ma laxle chitüikya khoma tamchu pangnu to tomwüi chihukya khoma, kue, Israel khünakbu ang hünzom ada ang tomüi.”

Khünaknue Zang to Mongong Chithomkya

¹⁰ Kem ang hopa tuita wüi tüikya münchangdaimi? Kem pangwüi, Zang tuitae wüi zingkya münchang hexmi? Jangchangba keme tata füikya kaxtsao chem ang ama? Kem putong hwom füi Zang zingkya Tsaotsüt tha büthüi ang ajao?

¹¹ Judah angkya khünaknue Zang füikya hwom kaxtsao amadaoa. Hwome Jerusalem ma tamchu chaxwan pangnu khato za-adünkya mwot mokdaoa. Jowanpae mongkünle tüikya Zangshwom-Hom hwome chitsaokya ang achangdaoa. Khünakbue mixnok baozangbu to shwomle ngokya shekobu füi kako tanle changdaoa.

¹² Iningle mokkyabu Jowanpae Israel onok kha angkya atsaile naxpaokox. Hwome chemtuechu, kem khünaknue kem Jowanpa Khüthak Zang to shwomle tö koxkya ma hwom tütue chu chihakle naxchang.

¹³ Ija hünzome mokkya mama mwot. Hünzome chix hato apüikya tö otuechu chixe pongle chikop. Ikhoma Jowanpa tö-tsap a sopkya hia mongmakya mikfi füi sing ang tomdaoa.

¹⁴ Athaxpi chixe ibu büthüikoxle pongle chikop puixle hünzome atüi. Ija a hünzom naosom tanto tuiju-nasomle changkya ma kakonu füikya tsaotsüt hünzome amale changdaoa. She a nang üitho changkya. Nange mongong füi ngoüihex-ole Zang pomtho ma tsaosaxle changdao koxchu, nange she füikya ija tsaotsüt ama.

¹⁵ Zang-e nang she füi chasa hia tsangtsa pangnyi ma müitom tuita ang münzingdai hia? Ija ma chix mongtex chem changkya dai? Ija a hünzom Zang khünaknu ma su-sabu tüile chang angkya hanpak changkya. Idaile hünzom khama owaechu ma kako füikya tsaotsüt münamapox-ole thüilax.

¹⁶ Jowanpa Israel nok Zang-e thüi: “Kue kako fan-jan le changkya thua anule. Hünzom owawae ma kakonu füi ile mokkya ma, ku ija thua anule. Nange ma mongongle tüikya kakonu füikya tsaosüt münamapuo le thüilax.”

Kaxfün angkya Hanpak Chwonle

¹⁷ Hünzome hünzom zangwün füi Jowanpa ang mongngwom ang tom. Ikoxlechu hünzome atüi: “Kwome chemle chix mongngwom ang tomle? Jowanpae ochax mwot mokle tüikya khünakbu pangwüi mixmüi changle chichangba chixe hwom to mongkünle le thüikya ma hia chichangba sukya mwot moksepa Zang omaün le atüikya ma?”