Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

JOEL 1 - OTSAO BAIBEL (BSI)

1 Ija a Pethuel sasün Joel hato Jowanpa kaxho changle.


Saxziak Amakya khoma Khünaknu Sop-jua

2 Mongkoxle apahüi, hünzom püzu tüichongbu; Judah angkya noknusae apahüi. Otuechu iningkya tüchangdai ma hünzom tsün ma chichangba hünzom pupa hwom tsün to a?

3 Ija bama hünzome naosombu hama wünkox; hwomechu hwom naosombu hama wünüi, ija ningle ibue chuwüi füisu-füisa hwom hama wünüi.

4 Kuknu ozyem tok to ozyem saxziak ma pax; kuknu tuitae danle toxkya ifüi angkya kuknue sax.

5 Zolax ilaxle soplax, hünzom jutok mixbu; soplax, hünzom julingle tok-ngakyabu; ju zün langsepa grep ziakbu a amadaoa.

6 Zazwop kuknu süpahibue kem haxtok to single; hwom tüle tsak-zong füi tamchu e ang chithole tüile; hwom wabu a mailang wabu lailaile jao anaxle.

7 Ibue kem grep zubu amadaoa ilaxle kem fupsa pünbu shaole akhixdaoa. Hwome pünkhwonbu thuakthuakthang le achangdaoa, okang-ozabu tsezale achangdaoa.

8 Soplax, hünzom khünaknu, naocha tuitae ma tuipa mang sopupu le.

9 Athax Zangshwom-Hom ma kox angkya saxziak chichangba grep ziak chemchu chitüi; Jowanpa ang tö kox angkya chemchu chitüikya khoma nguapabu mongma.

10 Manzai haxtok kohwon ang changdaoa; saxziak komle thomjole chang koxle haxtok ang mongmale sop, grepbu pangwüi azandaoa, ilaxle olip pünbu a zile paoüna.

11 Mongmalax, hünzom manzai mixbu; soplax, hünzom opange grep zutong molaxpuix, chemthüikoxle wonglai tsax, tsaxsa tula, changle saxziak pangwüi amütdaoa.

12 Grep zu hia fupsa pünbu komkaile zanle zidaoa; pünziak füikya pünbu pangwüi hüilaxle zidaoa. Khünaknu mongmüi a athodaoa.

13 Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.

14 Chisax-chilingle atsao angkya kax koxlax; khünaknu sele asoxlax! Lompabu asox ang tomlax ilaxlechu Judah angkya khünaknu pangwüi Jowanpa hünzom Zang Zangshwom-Hom to nguilaxle chix hato sople ozing adün ang a!

15 Jowanpa hanpak zanghan nguile, Khüthak Zang-e thama apüi angkya nyix a. Ija nyix thamakya huanu zadün changüi!

16 Kem saxziak komkaile ama füima mongtex samle keme hungopu. Kem Zang Zangshwom-Hom ma mongmüi ojao müntüi.

17 Saxli-tuali komkaile chaxwan zan to zile pao. Athünle thom angkya saxziak tuita chitüi, ikhoma ahuasakle ngokya pungbu büile hüi.

18 Müibu khosam ashukle osüt lomle samle aham chemthüikoxle hwom hanpakma fumtsüt nui ojao chitüi; ija ningle chun zyembu chuwüi samle aham.

19 Jowanpa, kue nang to nyakpu, chemthüikoxle fum-sui hia pünzua komle zandaoa, wün to shunpupu le zanle zidaoa.

20 Faomüibue ngaxchu wüi nang nyakle akhongle shuasabu komle zople zanünkoxle.

Wancho Naga Bible - OTSAO BAIBEL

Copyright © 2012 by The Bible Society of India

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ